الاكثر تصفحا


 
 

 

 
 

 

 
... ارسل الى صديق  ... نسخة للطباعه ...اضف الى المفضله   Bookmark and Share

 

 

تواصل اجتماعي

 
خرجنا من قضاء الحضر

تاريخ النشر       16/06/2017 08:02 AM


بابنيوز/ (تدوينات من مواقع التواصل الاجتماعي) حسين ياسر:

اليوم من خرجنا من قضاء الحضر وكنا متوجهين نحو تل عبطة 


استوقفنا شاب يبلغ من العمر ٢٠ عاما 

بنص الطريق ( الشارع فارغ يصوصي وشمس تسلگ سلگ) 

گال بيها مجال وياكم لراس الشارع الي يبعد تقريبا ٣٠ كم

گناله اصعد 

صعد ويانه 

يابه انت منين ويامن 

گال اني من البصرة منطقة القبلة (اللهجة البصراوية المالحة)

ويامن گال وي بدر 

زين شجابك لهنا گال وصلني ولد وگلي ارجعلك وفوگ الساعتين وهو ماكو 

وصلنه لراس الشارع 

گناله انت وين تريد تروح گال لتل عبطة 

يابه خوش امشي ويانه 

بس بشرط تنطينه فلوس ( اشاقينه وياه ) 

گبل طلع مبايله وگال هذا الكم 

عمي نشاقة وياك 

احنه نريد فلوس 

گال ولله لا فلس بجيبي اجيت كروه بالدين 

زين اشلون ترجع 

گال اداين من اصدقائي اذا الله بقاني عدل

اني هنا اختنگت 

وصلنه لتل عبطة نزل واتشكر منه 

وراح للموكب اخذ ماعون (تمن ومرگ يابسة ع التمن) 

وگعد بزاوية وحدة 

صفنت گلت هسة هذا من يستشهد هم احد يدري بي او يعرف شسوة وشنو مستوى التضحية الي يحملها وتخلي يجي من البصرة للموصل ويداين الكروه 

تصفن بمكان ثاني 

ع اهل تكريت الي يضربون محيبس ويرجعون ليورة او اهل الموصل 

وين شبابها وين زلمها 

عن الله بس حشد تابع للنائب عبد الرحمن اللويزي والنائب بدر الفحل لكن عددهم قليل بمستوى عدد اهالي المناطق التي يتم تحريرها 

و هسة افتهمنه انتم تعرضتم لمؤامرة 

ياعمي دخلوا هذا الشاب يعيش حياته وشيلوا اسلاحكم بمكانه ع اقلها 

خل يرتاح بعد سنتين ونصف من الظيم 

والعباس صورة هذا الشاب ما تفارگني

وتأكدلي بقناعة تامة

ان الشهادة هي موت الاذكياء الأخ حسين ياسر


المحتوى لا يعبّر عن رأي "بابنيوز"، بل عن وجهات نظر في مواقع التواصل الاجتماعي.. وتنقله "بابنيوز" حرفيا منها. 



100% 75% 50% 25% 0%




   

   مشاركات القراء

 

 

اضف مشاركتك 

  ألأسم: البريد:  
 

Please Enter the characters in the image below

This Is CAPTCHA Image
 
           

 


ترسل مشاركاتكم وملاحظاتكم الى الادارة عبر البريد الألكتروني

babnewspaper@gmail.com 
 

 

  Designed &Hosted By ENANA.COM